Премьер лиг эхэллээ

Премьер лигийн 2014-2015 оны улирлын тоглолтууд өнгөрсөн бямба гаригт эхэллээ. Энэ жилийн Премьер лиг мэргэжилтнүүдийн зүгээс маш сонирхолтой өрсөлдөөнтэй болно хэмээн дүгнэлт аваад байгаа бөгөөд Английн клубууд олон улсын лигүүдэд ч өндөр амжилт гаргахаар хүчирхэгжсэн гэжээ.

Үнэхээр ч Премьер лигийн багууд эн тэнцүү өрсөлдөх болно гэдгийг улирлын нээлтийн тойрог харууллаа. Лиг эхлэхээс өмнө урьдчилсан бүх тоглолтууддаа дараалан ялалт байгуулаад байсан Манчестер Юнайтед л гэхэд тааварлаж боломгүй тоглолт үзүүлж Од Траффорд цэнгэлдэхдээ Суонси клубт 2:1-ээр хожигдсон юм.

Өнөөдөр эхний тойргийн сүүлийн тоглолт болох Челси Барнли клубуудын тоглолт болно. Дашрамд дурдахад МҮОНТ энэ удаагийн Премьер лигийн тоглолтуудыг бямба, ням гаригт тус бүр нэг тоглолтыг орон даяар шууд дамжуулан үзүүлэхээр болж байгаа нь хөлбөмбөг сонирхогч олон нийт хүүхэд залууст ихээхэн дэмжигдсэн явдал болоод байна.

Н.Дорж