Манай хоккейчид хүрэл медаль хүртлээ

Азийн хоккейн холбооноос зохион байгуулдаг “Challenge cup” тэмцээн өндөрлөж Монгол улсын хоккейн шигшээ баг хүрэл медалийн болзол хангаад байна.

Манай шигшээ эхний тоглолтоо өнгөрсөн жилийн аварга Тайванийн багтай хийж улмаар 3:10-аар хожигдсон ч Хонконгийн багийг 9:2-оор, Кувейтийг 3:1-ээр буулган аваад байсан. Талбайн эзэн Арабын Эмиратын багтай мөнгөн медалийн төлөө тоглож 3:1-ээр ялагдсанаар ийнхүү хүрэл медаль аваад байна.

Арабын нэгдсэн Эмиратын нийслэл Абу Даби хотноо зохион байгуулагдаж буй энэ тэмцээн хоккейн спортын хөгжил тааруу Азийн зургаан орон оролцдог бөгөөд ийнхүү манай хоккейчид энэ тэмцээнээс хоёр жил дараалан хүрэл медаль хүртээд байна.