“Шилдэг залуу 50 улс төрч” шалгаруулалтын өргөмжлөл гардуулах ёслол болно

Монгол улсын нийгэм, улс төрийн салбарын шилдэг залуу удирдагчдыг олон нийтийн санал асуулгыг үндэслэн тодруулж, нийтэд үр дүнтэйгээр таниулан сурталчлах зорилготойгоор Сонгуулийн Менежментийн Төв, ZALUU.COM сайтаас хамтран зохион байгуулсан “Шилдэг залуу 50 улс төрч” төсөл гурав дахь удаагаа амжилттай явагдаж өндөрлөлөө. Тус шалгаруулалтанд 290 залуу улс төрч нэр дэвшсэн бөгөөд олон нийтийн зүгээс хамгийн өндөр санал авсан эхний таван нэр дэвшигчийг “Шилдгийн шилдэг залуу улс төрч”, дараагийн 50 нэр дэвшигчийг “Шилдэг улс төрч”-өөр нэрлэсэн юм. Мөн тус шалгаруулалтанд анх удаа оролцсон ч сүүлийн шатны 100 нэр дэвшигчид шалгаран үлдсэн залуу улс төрчдийг зохион байгуулагчдын шийдвэрээр “NEXT TOP 10 УЛС ТӨРЧ”-өөр нэрлэсэн билээ.

Энэхүү шалгаруулалтад манлайлсан, Монголын шилдэг залуу улс төрч эрхмүүдэд өргөмжлөл гардуулах ёслолын ажиллагаа 2-р сарын 21-нд буюу өнөө орой 18 цагт "Туушин"-гийн тавдугаар давхрын "Соёмбо" танхимд болно.