Уулчин Ч.Болдбаатарын цогцсыг оллоо

Монголын Уулчдын Үндэсний Холбооны Тэргүүлэгч гишүүн, уулын спортын олон улсын хэмжээний мастер, Монгол Улсын Гавьяат тамирчин Ч.Болдбаатар энэ сарын 13-нд Баян-Өлгий аймгийн нутаг, Алтай Таван Богд ууланд авираад буцаж явахдаа осолдсон.

Түүнийг эрэн хайх, аврах үйл ажиллагааг тус аймгийн онцгой байдлын алба хаагчид, цагдаагийн хэлтэс, хилийн цэргийнхэн, уулчид, нутгийн иргэд хамтран явуулж байсан юм.

Тэгвэл эрлийн групп өчигдөр 17.00 цагийн орчимд түүний цогцсыг олсон байна. Өнөөдөр түүний цогцсыг уулнаас буулгах аж. Ууланд ажиллаж байгаа хүмүүс дээр нэмж ОБХ -ийн 4 албан хаагч очиж байгаа юм.

Х.Төгөл