Т.Баттөгс Дэлхийн цомын хошой аварга болов

Самбо бөхийн дэлхийн цомын тэмцээн энэ сарын 24-27-нд Казахстаны Алматы хотноо болж өнгөрлөө. Тэмцээний эмэгтэйчүүдийн 63 кг-д барилдсан манай тамирчин ОУХМ Т.Баттөгс алтан медаль хүртэж Дэлхийн цомын аварга шалгаруулах тэмцээний хошой аварга боллоо.

Энэ удаагийн тэмцээнд 19 орны шилдэг тамирчид оролцсон бөгөөд Т.Баттөгсийн жинд 22 тамирчин өрсөлдсөн байна. Тэрбээр дөрвөн учраатай барилдаж бүгдэд нь ялалт байгуулснаар дэлхийн цомыг ийн хоёр жил дараалан хүртэж буй юм.

Б.Цэлмэг