"Алтан бөмбөг"-ийн эзнээр Криштиан Рональду тодорлоо

2013 оны дэлхийн шилдэг хөлбөмбөгчин гэсэн нэр хүндтэй шагналын эзнээр хоёр дахь удаагаа "Реал Мадрид" багийн тоглогч Криштиан Рональду тодорлоо.

FIFA буюу /олон улсын хөлбөмбөгийн холбоо/-ноос зохион байгуулдаг Ballon d’Or /Алтан бөмбөг/ шагналын эзнийг шалгаруулахад нэлээд төвөгтэй байсан бөгөөд эцсийн шатанд Криштиан Рональду, Лионель Месси, Фрэнк Рибери нар үлдээд байсан билээ.

Ballon d’Or-ын эзнийг шалгаруулахдаа багуудын дасгалжуулагч болон багийн ахлагч нарын санал асуулгаар тодруулдаг уламжлалтай. Энэ удаад тунаж үлдсэн гурван тамирчнаас Рибери 23,36 хувийн санал, Месси 24,72 хувийн санал авч, Рональду 27,99 хувиар илүү санал цуглуулснаар шилдгээр тодорсон байна.

Криштиан Рональду өнгөрсөн онд нийт 56 тоглолтод 66 гоол оруулсан амжилт үзүүлжээ. Тэрээр 2009 оноос хойш дэлхийн хөлбөмбөгийн рекордыг гурван ч удаа эвдсэн тоглогч билээ.

Х.Төгөл