Тео Валкотт хөлбөмбөгийн ДАШТ-д оролцож чадахгүй боллоо

Английн Арсенал багийн тоглогчТео Валкотт өвдгөндөө хүнд гэмтэл авч зургаан сарын турш тоглолтод оролцох боломжгүй болжээ. Ингэснээр тэрээр хөлбөмбөгийн Дэлхийн аварга шалгаруулах тэмцээнд /ДАШТ/ оролцох боломжгүй болж байгаа юм.

Тео өнгөрсөн бямба гаригт Английн цомын аваргын төлөөх тоглолт дээр Тоттенхем багтай гуравдугаар үеийн тоглож байх үедээ зүүн өвдгөндөө гэмтэл авсан юм. Наад зах нь зургаан сарын турш хөдөлгөөн хорих ёстой хэмээн эмч нархэлсэн байна. Тун удахгүй Теог хагалгаанд орох шаардлагатай гэж эмч нар хэлсэн юм.

Арсенал багийн тоглогчид түүнийг хурдан эдгэрч багтаа эргэн ирэхийг нь хүлээж байгаа тухайгаа хэлжээ.

Хөлбөмбөгийн ДАШТ ирэх зургадугаар сарын 12-ны өдөр эхлэх бөгөөд Английн баг тэмцээн эхэлснээс хоёр өдрийн дараа Италийн багтай тоглох юм.

Х.Төгөл