Цагдаагийнхан бэлэн байдалд ажиллана

Шинэ он гарахад 11 хоног үлджээ. Иргэд шинэ жилийн баяраа тэмдэглэж яваад гэмт хэргийн золиос болох, осгож амиа алдах тохиолдол гарсаар байгааг цагдаагийн байгууллагаас байнга анхааруулж, сэрэмжлүүлсээр байгаа. Тэгвэлбаярын өдрүүдэд цагдаагийн байгууллагын хяналт чангарч, гадуур гарах эргүүлийн тоо нэмэгдэж, энэ сарын 25-31-ныг хүртэл цагдаагийнхан албаны бэлэн байдалд ажиллахаар болжээ.

Мөн дараах сэрэмжлүүлгийгхүргэж байна.

Шинэ жилийн баяраа тэмдэглэхдээ архи, согтууруулах ундааг зохистой хэрэглэх, хэтрүүлэн хэрэглэсэн хүндээ анхаарал, халамж тавьж гэмт халдлагад өртөх, осгохоос сэргийлж гэр оронд нь хүргэж өгөх, мөн баярын өдрүүдэд хүнсний аюулгүй байдалд анхаарч чанарын шаардлага хангасан баталгаатай бараа бүтээгдэхүүн худалдан авах, салют /пиротехник/-тэй болгоомжтой харьцаж, зөвшөөрөгдсөн газраас худалдан авч, мэргэжилтний туслалцаа авахыг зөвлөж байна.

Б.Золбоо