Хорт хавдрын дааврын эмийн төлбөрийг ЭМД-ээс 100 хувь хариуцна

Хорт хавдрын дааврын эмийн эмчилгээний төлбөрийг Эрүүл мэндийн даатгалын сангаас 100 хувь хариуцахаар болжээ. 

Хорт хавдрын химийн эмчилгээ нь өөрөө химийн эмчилгээ болон бай эмчилгээ гэсэн хоёр төрөлтэй байдаг. 2024 онд хорт хавдрын дархлаа эмчилгээ шинээр орж ирсэн. Энэхүү шинэ эмчилгээг зөвхөн ЭМД-ын гэрээгээр Хавдар судлалын эмнэлэг дээр хийж байна. 

Хорт хавдрын химийн болон химийн бай эмчилгээг сонгон шалгаруулалтаар тэнцсэн төрийн болон хувийн хэвшлийн эрүүл мэндийн байгууллагуудад үзүүлж буй. Хорт хавдрын үед хэрэглэдэг дааврын эмчилгээний хувьд тухайн эмийг оношийн хамааралтай бүлэг буюу хэвтүүлэн эмчлэх аль алинд нь оруулах боломжтойгоор эрүүл мэндийн даатгалын цахим системд ирүүлсэн мэдээлэлд үндэслэн, өртгийн тооцоолол хийж байсан. 

Тэгвэл Эрүүл мэндийн даатгалын үндэсний зөвлөлөөс "Хорт хавдрын дааврын эмийн эмчилгээний төлбөрийг Эрүүл мэндийн даатгалын сангаас 100 хувь хариуцна" гэсэн тогтоол гаргажээ.