The MongolZ шөвгийн наймд Данийн Astralis багтай тоглоно

#CS2 The MongolZ "PGL Cluj-Napoca 2025" тэмцээний шөвгийн наймд Каспер "cadiaN" Моллер ахлагчтай Данийн "Astralis" багтай тоглоно.

PGL-ээс зохиож буй CS2-ын 1,250,000 ам.долларын шагналын сантай "PGL Cluj-Napoca 2025" тэмцээн Румын улсын Бухарест хотоос Клуж-Напока хотод үргэлжилж байна.

Дэлхийн чансааны 3-т бичигдэж буй байраар тэмцээнд шууд уригдсан Монголын "The MongolZ" баг тус тэмцээний playoffs шатанд шалгараад байсан бөгөөд шөвгийн наймд тоглох баг нь өнгөрсөн шөнө тодорхой боллоо.

Хэсгийн шатнаас 3-0 амжилттай гарч ирсэн тэд шөвгийн наймд Данийн "Astralis" багтай тоглохоор учраа таарчээ. Каспер "cadiaN" Моллер ахлагчтай, Николай "dev1ce" Рийц тэргүүтэй Данийн баг хэсгийн шатанд 3-2 амжилттайгаар ийнхүү playoffs-т шалгараад байгаа юм.

Хоёр багийн тоглолт энэ сарын 21-ний 19:00 цагаас эхэлнэ.

• The MongolZ анх удаа гурван том тэмцээн дараалан playoffs-т шалгарлаа
• Үзүүштэй тулааны эцэст The MongolZ дахиж хожлоо
• The MongolZ-ын эхний хожил хэцүү байсангүй

Тэмцээнд дэлхийн аварга "Natus Vincere", "Spirit", "Vitality" болон "G2", "Liquid", "FURIA", "GamerLegion" зэрэг шилдгүүд оролцохгүй өнжиж байгаа бол "FaZe Clan", "MOUZ" зэрэг томчууд тоглож байна.

Playoffs шатны бүх тоглолт Bo3 журмаар болно. Зөвхөн аваргын тоглолт Bo5 журмаар болно