УИХ дахь МАН, АН-ын бүлгийн хуралдаан болно

Нэгдүгээр сарын 13-ны даваа гарагт болох зарим үйл явдлын тойм:

9.00 цагт: Хууль зүйн үндэсний хүрээлэнд “Сэтгэхүйн тойрог” хуульч, сэтгүүлчдийн клубийн анхны өглөөний уулзалт болно.

11.00 цагт: ХӨСҮТ-ийн зааланд томуу ба томуу төст өвчний   нөхцөл байдлын талаар мэдээлэл өгнө.

12.00 цагт: “Зууны мэдээ” сонины “Үндэсний мэдээллийн төв”-д МУГТ, Мэргэжлийн боксчин Э.Цэндбаатар 2025 оны 2-р сарын 15-ны өдөр "АСА Арена"-д болох Аваргын бүс хамгаалах тулааныхаа талаар мэдээлэл хийнэ.

-УИХ дахь МАН, АН-ын бүлгийн хуралдаан болно.

-Цэргийн бүртгэл нийслэлд нэгдүгээр сарын 6-22-нд үргэлжилнэ.

-Анх удаа орон сууц худалдан авсан иргэн, дотоод гадаадын их дээд сургуульд суралцаж буй оюутны сургалтын төлбөрийн хөнгөлөлт эдлэх хүсэлтэй иргэдийн материалыг нэгдүгээр сарын 1-нээс Татварын ерөнхий газарт хүлээн авч байна.

-Нэгдүгээр сарын 25-26-нд болох Нисгэгчгүй нисэх хэрэгсэл жолоодлогын улсын аварга шалгаруулах “Дронокон-2025” тэмцээний бүртгэл энэ сарын 14-нийг хүртэл үргэлжилнэ.

-Энэ сарын 15-ны өдрөөс албан ёсоор улсын дугаарын захиалга авч эхэлнэ. Энэ сарын 14-нийг хүртэлх хугацаанд иргэд, аж ахуйн нэгж, байгууллага тус системтэй танилцаж, өөрийн мэдээллээ шалгаж, нягтлах боломжтой. 

-Шинэ болон шилмэл бүтээлийн “Онцлох бүтээлүүдийн үзэсгэлэн” энэ сарын 7-20-ны өдрүүдэд “Блью Мон” галерейд гарч байна.

-Марко Поло-700 жилийн ойд зориулсан “Марко поло, Хубилай хаан, монголчууд” тусгай үзэсгэлэн Чингис хаан Үндэсний музейн 9 давхрын үзүүллэгийн танхимд энэ сарын 15-ныг хүртэл гарна.

Орон нутагт:

-Өмнөговь аймгийн Нутгийн Удирдлагын ордонд Үндсэн хуулийн үзэл санааг түгээн дэлгэрүүлэх, сурталчлах ажлын хүрээнд "Ардчилал аюулгүй байдлын баталгаа болох нь" лекц болно.

-Хөвсгөл аймгийн Мөрөн суманд Ардчилсан шинэ үндсэн хууль батлагдсаны өдөрт зориулсан улс, аймаг, сумын болон залуу бөхчүүд оролцсон хүчит 64 бөхийн барилдаан болно.

-Сэлэнгэ аймгийн Сайхан сумын Хөтөл хотод энэ сарын 13-17-нд "Монголын таеквондогийн VII их наадам"  "Мазаалайгаа хайрлан хамгаалцгаая" уриан дор 7 төрлөөр болно.