The MongolZ түүртэлгүй гурав хожиж Шанхай мажорын Elimination Stage-д шалгарлаа

#CS2 The MongolZ GamerLegion-ыг хожсоноор 3-0 амжилттай дараагийн шатанд шалгарав. Харин FlyQuest Team Liquid-д хожигдсоноор 2-1 амжилттай боллоо.

1,250,000 ам.долларын шагналын сантай "Perfect World Shanghai Major 2024" тэмцээний хоёр дахь өдөр Монголын "The MongolZ", монгол дасгалжуулагчтай Австралийн "FlyQuest" багууд дараагийн шатанд шалгарахын төлөөх тоглолтоо хийлээ.

Өчигдөр Хятадын "Rare Atom", Бразилын "MIBR" багуудыг хожоод байсан The MongolZ өнөөдөр Европын төлөөлөл "GamerLegion" багийг 2-0 (Mirage 13-5, Anubis 13-2) харьцаагаар хожлоо.

Ийнхүү тэд мажорын дараагийн шат буюу "Elimination Stage"-д шалгарав. Тус шатны тоглолтууд арванхоёрдугаар сарын 5-д эхлэх бөгөөд дэлхийн чансааг тэргүүлэгч найман баг хүлээж байна.

• Шанхай мажорын эхний өдөр монголчууд давамгайллаа
• The MongolZ мажорын эхний шатанд Хятадын багтай тоглоно
• АРВАНХОЁРДУГААР САРЫН СПОРТ: Электрон спортын оргил тэмцээнүүд болно

Харин FlyQuest Америк тивийн төлөөлөл "Team Liquid"-д 1-2 (Inferno 13-5, Anubis 9-13, Nuke 1-13) харьцаагаар хожигдсоноор 2-1 амжилттай боллоо. Тэд Elimination Stage шатанд шалгарахын төлөө маргааш дахин тоглоно.

Хамгийн түрүүлж 3 хожсон найман баг хоёр дахь буюу Elimination Stage шатанд шалгарна, харин гурав хожигдсон багууд нутаг буцна. Өнөөдөр Европын төлөөлөл "Fnatic", Бразилын "Imperial Esports" багууд тэмцээнээ дуусгасан бол Team Liquid, The MongolZ багууд олон нийтийн таамагласан ёсоор дараагийн шатны эхний хоёр эрхийг авав.