Монгол Улс 13 дугаарт бичигдэж байна

"Парис-2024" олимпын наадмын эхний өдрийн тэмцээнүүд өндөрлөж, тамирчид эхнээсээ энгэртээ медалиа зүүлээ. Монгол Улсын хувьд жүдогийн тамирчин Б.Баасанхүү мөнгөн медаль хүртсэнээр Парисын олимпоос Монголын шигшээ багийн анхны медалийг авчирсан юм. 

Ингэснээр Монгол Улс медалийн хүснэгтийн 13 дугаарт бичигдэж байна. Одоогийн байдлаар тус хүснэгтийг Австрали улсын шигшээ баг 3 алтан медаль, 2 мөнгөн медальтайгаар тэргүүлж байна. 

БНХАУ 2 алт, 1 хүрэл медальтайгаар удаалж байгаа бол АНУ-ын шигшээ баг 1 алт, 2 мөнгө, 2 хүрэл медаль хүртэж гуравдугаарт бичигдэж байна.