"Хатгалын замыг цэвэрлэж, гүүрийг зассан"
![](http://resource4.sodonsolution.org/bataar/image/2024/07/22/mfh7zzvsw6ur2pfg/22Хатгалын замыг цэвэрлэж гүүрийг зассан22.jpg)
А1101 дугаартай Мөрөн-Хатгал чиглэлийн авто замд нийт 6 гүүр, 87 ус зайлуулах хоолой байдаг. Мөрөн-Хатгал чиглэлийн авто замын 19-20 дахь км-т 2 цэгт, 43-45 дахь км-т 3 цэгт өчигдөр үeр бууж хөвөө, далан болон замын зорчих хэсэг эвдэрсэн.
Тухайн авто замыг хариуцагч "Хөвсгөл зам" ХХК газар дээр нь шуурхай ажиллаж, зам дээр тогтсон лаг шавар, чулууг цэвэрлэсэн байна.
Энэ талаар Зам, тээврийн хөгжлийн төвөөс тодруулахад, "Өчигдрийн үeрээр Мөрөн талаас 14 дахь км-т байрлах Хужиртын амны төмөрбетон гүүрний хайс, хашлага усанд угаагдаж унасан юм. Уг гүүрийг өнөөдөр зассан тул тус гүүрээр тээврийн хэрэгслийн хөдөлгөөнийг хэвийн нэвтрүүлж байна. Бусад гүүрнүүдийн ашиглалт хэвийн" гэлээ.
СЭТГЭГДЭЛ БИЧИХ