“Түр хүрээ” байгуулагдаж, 1080 алба хаагч үүрэг гүйцэтгэж байна

Монголын ард түмний түүх, соёлын дархлааны илэрхийлэл болсон Тулгар төрийн 2233, Их Монгол Улсын 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмыг тохиолдуулан цагдаа, дотоодын цэргийн анги, байгууллагын алба хаагчид өндөржүүлсэн бэлэн байдлын зэрэгт шилжин ажиллаж байна.

Үүнтэй холбогдуулан Цагдаагийн ерөнхий газрын дарга, Дотоодын цэргийн командлагчийн тушаалаар “Хүй долоо худаг”-т “Түр хүрээ” байгуулагдаж, 35 анги, байгууллагын 1080 алба хаагч гэмт хэрэг зөрчил, зам тээврийн осол, зөрчил, иргэд, унаач хүүхдийн аюулгүй байдлыг хангах, бага насны хүүхдийг төөрөх зэрэг болзошгүй эрсдэлээс урьдчилан сэргийлэх чиглэлээр ажиллаж байна.

Мөн алба хаагчид хамгаалалт, зохицуулалт, явган болон морьт, мотот эргүүлд үүрэг гүйцэтгэж байна.

Дэлхийд ганцхан Монгол наадмаараа дэнж хотойтол сайхан наадаарай