Бутаны хаант улсын хаан Жигмэ Гэсэр Намжил Ванчукийн манай улсад хийх айлчлал өнөөдөр эхэлнэ
![](http://resource4.sodonsolution.org/bataar/image/2024/07/08/43ca3422ujd66j5y/Бутаны хаант улсын хаан Жигмэ Гэсэр Намжил Ванчукийн манай улсад хийх айлчлал өнөөдөр эхэлнэ.jpg)
Ерөнхийлөгч У.Хүрэлсүхийн урилгаар Бутаны Хаант Улсын Цог Жавхлант Хаан Жигмэ Гэсэр Намжил Ванчук 2024 оны 07 дугаар сарын 08-15-ны өдрүүдэд Монгол Улсад төрийн айлчлал хийнэ. Тодруулбал, түүний айлчлал өнөөдөр /2024.07.08/эхэлнэ.
Бутаны хааны айлчлалын хүрээнд Ерөнхийлөгч У.Хүрэлсүх, Бутаны Хаант Улсын Цог жавхлант Хаан Жигмэ Гэсэр Намжил Ванчук нар албан ёсны уулзалт хийж, хоёр улсын харилцаа, хамтын ажиллагааг өргөжүүлэн хөгжүүлэх болон олон улс, бүс нутгийн тавцан дахь хамтын ажиллагааны асуудлаар санал солилцоно.
Мөн талууд хоёр талын харилцааны эрх зүйн үндсийг бэхжүүлэх баримт бичгүүдэд гарын үсэг зурна. Түүнчлэн Бутаны Хаант Улсын Цог Жавхлант Хаан Жигмэ Гэсэр Намжил Ванчук гэр бүлийн хамтаар Үндэсний их баяр наадмын нээлт болон бусад ёслолын ажиллагаанд хүндэт зочноор оролцоно. Энэхүү айлчлал нь манай хоёр улс 2012 оны 1 дүгээр сард дипломат харилцаа тогтоосноос хойш Бутаны Хаант Улсын Цог Жавхлант Хааны Монгол Улсад хэрэгжүүлж буй анхны төрийн айлчлал юм.
СЭТГЭГДЭЛ БИЧИХ