Сонгуулийн саналын хуудас бөглөх заавар

УИХ-ын ээлжит сонгууль ирэх сарын 28-ны баасан гарагт болно. Энэ удаагийн сонгуульд саналаа өгөхдөө саналын хуудсаа хэрхэн бөглөх талаар мэдээллийг хүргэж байна. 

Энэ удаагийн сонгуулиар сонгогчид холимог тогтолцоогоор 126 гишүүнийг сонгоно. Ингэхдээ хоёр тусдаа саналын хуудсыг ашиглах юм.

1. Нэр дэвшигчдийг сонгох хэсэг

Эхний саналын хуудас дээр танай тойрогт нам, эвслээс нэр дэвшигчид болон бие даан нэр дэвшигч 78 хүний нэрс байрлана. Та эдгээр нэрсээс өөрийн тойрогт ногдох мандатын тоотой тэнцүү тооны нэр дэвшигчдийг сонгоно.

Жишээлбэл, Сүхбаатар болон Чингэлтэй дүүргийн мандатын тоо нь 6 тул 6 хүнийг л сонгоно. Илүү эсвэл дутуу санал тэмдэглэвэл тухайн саналын хуудас нь хүчингүй болохыг анхаараарай.

2. Нам, эвслийг сонгох хэсэг

Харин хоёр дахь саналын хуудас дээр улсын хэмжээнд дэвшиж буй нам, эвслийн 48 хүний нэрс байрлана. Эндээс сонгогч  зөвхөн нам эсвэл эвслийг дэмжиж саналаа өгөх бөгөөд илүүг тэмдэглэвэл саналын хуудас хүчингүй болох юм байна.