Г.Ариунбуян: Галд өртсөн 63 айлын түрээстэй холбоотой 1,4 тэрбум төгрөгийг Засгийн газрын нөөц хөрөнгөөс шийднэ

Засгийн газрын өнөөдрийн хуралдаанаас гарсан зарим шийдвэрүүдийн талаар холбогдох албаныхан мэдээлэл өглөө. Энэ үеэр ОБЕГ-ын дарга, хошууч генерал Г.Ариунбуян дараах мэдээллийг өглөө. Тэрбээр,

"Галд өртсөн 63 айлын 198 оршин суугч байгаа. Тэднийг хэвийн амьдралын горимд шилжихэд гарах зардал буюу засвар тохижилтын асуудлыг нийслэлийн ЗДТГ-аас шийдвэрлэнэ. Өнөөдрийн Засгийн газрын хуралдаанаар тухайн иргэдийг түр түрээсийн байранд шилжүүлэх, мөн түрээстэй холбоотой зардлыг 1,4 тэрбум төгрөг гэж тооцоолж, Засгийн газрын нөөц хөрөнгөөс шийдвэрлэхээр болсон. Түрээсийн байрыг Нийслэлийн ЗДТГ-аас хариуцана. Ийнхүү иргэдтэй гэрээ байгуулж, шилжсэний дараа үе шаттай хэрэгжинэ" хэмээсэн юм.