ЦЕГ: "Орчлон" сургуулийн сурагчдаас зөрчлийн шинж тогтоогдоогүй

Хан-Уул дүүргийн цагдаагийн газраас арваннэгдүгээр сарын 22-нд тус дүүргийн 15 хорооны нутаг дэвсгэрт үйл ажиллагаа явуулдаг "Орчлон" сургуулийн сурагчдаас үе тэнгийн дээрэлхэлт, гадуурхалт гарган хүүхдийн эрх зөрчигдсөн байж болзошгүй үйлдлийг шалган шийдвэрлэх ажиллагаа явуулжээ. Шалгалтаар зөрчлийн шинж тогтоогдоогүй тул гомдол, мэдээллийг хүлээн авахаас татгалзсан байна.

Арваннэгдүгээр сарын 25-нд Баянзүрх дүүргийн 24 дүгээр хорооны нутаг дэвсгэрт байрлах орон сууцны хорооллын тоглоомын талбайд өсвөр насны 20 орчим хүүхдүүд зодолдсон үйлдэл тогтоогдоогүй тул зөрчлийн шинжгүй гэж шийдвэрлэжээ. Өнгөрсөн долоо хоногт хүүхдийн эрхийг зөрчсөн 49 иргэнд 14 700 000 төгрөгийн торгуулийн шийтгэл оногдуулж, удаа дараа гэр бүлийн хүчирхийлэл үйлдсэн 147 иргэнийг шүүхээр 7-30 хоног баривчлуулсан байна.