МАН-ын бүлэг: Тэтгэврийн хэмжээг 100 мянган төгрөгөөр нэмэгдүүлэх шийдвэр гаргалаа

Даваа гараг бүр намын бүлгүүд хуралддаг. Энэ дагуу МАН-ын бүлэг хуралдаж, тодорхой шийдвэрүүд гаргажээ. Үүний нэг нь тэтгэврийн хэмжээг 100 мянган төгрөгөөр нэмэгдүүлэх шийдвэр гаргасан гэж МАН-ын бүлгийн дарга Д.Тогтохсүрэн мэдээллээ.

УИХ дахь МАН-ын бүлгийн хуралдааны шийдвэрийг танилцууллаа. Бүлгийн дарга Д.Тогтохсүрэн, Бүлгийн өнөөдрийн хурлаар 2024 оны төсвийн төсөл, Эрүүгийн хуульд нэмэлт, өөрчлөлт оруулах тухай хуулийн төслийг хэлэлцлээ.  

Тэрбээр, Ирэх оны төсвийн төсөлд 2024 оны 4-р сарын 1-нээс тэтгэврийн хэмжээг 10 хувь нэмэхээр тусгасан. Гэвч 10 хувийн нэмэгдэл нь бага тэтгэвэр авагч буюу 550 мянган төгрөгийн тэтгэвэртэй иргэдэд бага нэмэгдэхээр байгаа тул нийтэд нь 100 мянган төгрөгөөр нэмэх саналыг Ерөнхий сайд  болон бүлгийн гишүүд дэмжлээ.

Иймд 100 мянган төгрөг болгох эх үүсвэрийг шийдвэрлэхийг ажлын хэсэгт үүрэг болголоо. Манай нийт тэтгэвэр авагчдын 60-70 хувь нь бага тэтгэвэр авч байна.