"Ил задгай хог хаялаа" гэж бухимдан согтуу үедээ хий буудсан гэжээ

Цагдаагийн байгууллагад наймдугаар сарын 3-ны 15 цагийн үед Баянгол дүүргийн 30 дугаар хороонд байрлах орон сууцны цонхоор галт зэвсгээр буудсан” гэх дуудлага, мэдээлэл ирсэн. 

Дуудлагын дагуу цагдаагийн байгууллагын Шуурхай бүрэлдэхүүн ажиллан шалгахад 55 настай эрэгтэй Г согтуурсан үедээ иргэдийг "Ил задгай хог хаялаа" гэх шалтгаанаар гэрийнхээ гал тогооны цонхоор карабин буугаар гурван удаа буудсан болохыг тогтоожээ. 

"Буудах үед гэмтсэн хүн байхгүй, тухайн хаягт ганцаараа байсан. Хий буудсан иргэнийг саатуулан шалгаж байна. Прокуророос хэргийг хянах харьяалал тогтоож, шүүхэд шилжүүлэн шийдвэрлүүлнэ. Тухайн иргэн буу эзэмших зөвшөөрөлтэй байсан, бууг хурааж улсын орлого болгоно" гэж ЦЕГ-аас мэдээлэв.