Ахмадуудад нэг сая төгрөгийн “үнэт цаас”-ыг өнөөдрөөс олгоно

Засгийн газраас 2020 оны нэгдүгээр сард  ахмад настны тэтгэврийн зээлийг нэг удаа тэглэх шийдвэр гаргасан билээ. Нийтдээ  228.5 мянган ахмад настны  763 тэрбум орчим зээлийг төр тэглэж өгсөн юм.  Харин энэ нь тэтгэврийн зээл аваагүй ахмадуудыг ялгаварласан шийдвэр болсон тул “зээлгүй ахмадуудад нэг сая төгрөгийн ваучер олгох”-оор болсон билээ. Тодруулбал, өнөөдөр /2021.05.10/-өөс эхлэн тэтгэврийн зээлгүй  238 мянган ахмадуудад сая төгрөгийн үнэт цаас олгох чиглэлийг баасан гарагт УИХ-ын дарга Г.Занданшатар өгсөн. Ахмадуудад олгох үнэт цаасыг "Эрдэнэс Монгол" ХХК  тавдугаар сарын 21-нээс мөнгөжүүлэх ажээ.