“Discover Mongolia-2020” хөрөнгө оруулагчдын чуулга уулзалт болж байна

Монгол Улсын эрдэс баялгийн салбарын өнгийг тодорхойлогч “Discover Mongolia-2020” уул уурхайн хөрөнгө оруулагчдын чуулга уулзалт уламжлал ёсоор 18 дахь жилдээ зохион байгуулагдаж байна. “Шангри-Ла” зочид буудлын хурлын танхимд эхэлсэн тус чуулга уулзалтын хүрээнд “Хариуцлагатай уул уурхай нь эдийн засгийн сэргэлтийн гол хөдөлгүүр болох нь” сэдэвт хэлэлцүүлэг өрнөж байна.

Уул уурхай, хүнд үйлдвэрийн сайд Г.Ёндон чуулга уулзалтыг нээж “Энэхүү чуулга уулзалтыг 2003 оноос жил бүр зохион байгуулан, Монгол Улсад хайгуул, олборлолтын шинэ төслүүдэд хөрөнгө оруулагчдыг татах, тагниулах, салбарын үйл ажиллагааны тулгамдсан асуудлуудыг хэлэлцэх зорилгоор уламжлал болгон, эдүгээ 18 дахь жилтэйгээ золгож байна.

Уул уурхай, хүнд үйлдвэрийн яамнаас Монгол Улсын Засгийн газрын 2020-2024 онд хэрэгжүүлэх үйл ажиллагааны хөтөлбөрт илт толд, хариуцдагатай, уул уурхай, нэмүү өртөг шингэсэн үйлдвэрлэлийг хөгжүүлж, эрдэс баялгийн сан хөмрөгийг арвижуулах замаар тогтвортой, олон тулгуурт эдийн засгийн бүтцийг бий болгож, баялгийн шударга хуваарилалтын зарчмыг хэрэгжүүлнэ гэсэн тэргүүлэх зорилтыг дэвшүүлсэн бөгөөд энэ зорилтыг бодитоор хэрэгжүүлэхэд анхаарал тавин ажиллаж байна" гэв.