Үндэсний аюулгүй байдлын зөвлөлийн гишүүд  тэтгэврийн зээлийг нэг удаа тэглэх асуудал дээр санал нэгдсэн гэж Ерөнхийлөгч Х.Баттулга мэдэгдсэн. Ерөнхий сайд уг асуудалтай холбоотойгоор захирамж гаргана гэх мэдээлэл бий.

Тэгвэл Монгол Улсын Сангийн сайд Ч.Хүрэлбаатар энэ талаар тодорхой мэдээлэлгүй байгаа аж. Иргэн Г.Ганбат Сангийн сайдаас тэтгэврийн зээл тэглэх эх үүсвэрийг  олохын тулд төсөвт тодотгол хийж, зардлаа нэмэгдүүлэх үү гэж асуухад “Энэ өр тэглэх талаар та бид хоёр бараг адилхан мэдээлэлтэй байна. Төсөвт тодотгол хийхгүй гэдгийг баттай хэлье” гэж хариулсан байна.