АН-аас СБД-т нэр дэвших гурван улстөрч мөнгөө тушаажээ

    2020 оны сонгуулийн дөрөөн чимээ сонсогдож эхэлсэн. Ардчилсан нам одооноос нэр дэвших иргэдээс босго мөнгө 100 сая төгрөгөө авч эхлээд байгаа билээ.

Тэгвэл нийслэлийн Сүхбаатар дүүрэгт Боловсролын сайд асан Л.Гантөмөр, УИХ-ын гишүүн, Ерөнхий сайд асан Л.Амаржаргал, Сүхбаатар дүүргийн Засаг даргаар ажиллаж байсан Д.Бадарсан нар нэр дэвшихээр босго мөнгө 100 сая төгрөгөө тушаажээ.

Мөнгөө тушааснаар дээрх гурав нэр дэвших эрхээ баталгаажуулчихаж байгаа гэсэн үг юм. Л.Гантөмөр, Л.Амаржаргал нар нь энэ дүүрэгт байнга дэвшдэг ба харин Засаг дарга асан Д.Бадарсангийн хувьд анх удаа нэр дэвшихээр орж ирж байгаа улстөрч юм. Л.Амаржаргал өмнө нэг удаа бие дааж байсан түүхтэй.