Дугаарын хязгаарлалтыг тэгш, сондгойгоор нь ингэж хийнэ

Ирэх бямба гариг буюу наймдугаар сарын 24-нөөс 31-ний хооронд тээврийн хэрэгслийнулсын дугаарын сүүлчийн оронгийн тэгш, сондгой тоогоор ньялган замын хөдөлгөөнд оролцуулах захирамжийг Нийслэлийн Засаг дарга гаргалаа.

Тодруулбал улсын дугаарын сүүлийн орон тэгш буюу 0, 2, 4, 6, 8-аар төгссөн бол энэ сарын 24, 26, 28, 30-ны өдрүүдэд явахгүй.Харин сондгой буюу 1, 3, 5, 7, 9-өөр төгссөн бол наймдугаар сарын 25, 27, 29, 31-ний өдрүүдэд 07.00-21.00 цагийн хооронд хөдөлгөөнд оролцохыг нь хязгаарлажээ.

Харин авто зам засвар, хот тохижилтын автомашин, зочид төлөөлөгчдийн цуваа, дипломат байгууллага, нийтийн үйлчилгээний том оврын автобус, троллейбус, стандарт шаардлага хангасан такси, ажилчдын автобус, таних тэмдэг бүхий хэвлэл мэдээллийн байгууллагын тээврийн хэрэгсэл, тусгай дуут болон гэрэл дохиогоор тоноглогдсон хойшлуулшгүй ажил үүрэг гүйцэтгэж яваа тээврийн хэрэгсэлд дээрх хязгаарлалт үйлчлэхгүй юм байна.

Мөн энэ хугацаанд нийтийн тээврийн үйлчилгээний хүртээмжийг сайжруулах зорилгоор зарим чиглэл дэх том оврын автобусны тоог нэмэгдүүлэх юм байна.Бүх чиглэлийн троллейбус үнэ төлбөргүй үйлчлэх гэнэ. Дээрх хязгаарлалтыг найм хоногийн хугацаанд хийх аж. Хаалттай зам, уулзваруудын ажлыг дууссаны дараа энэ сарын 30-ны дотор зорчих хэсгийг нээхээр төлөвлөн ажиллаж байгаа аж.

Дугаарын хязаарлалт үйлчлэх зам, гудамж талбайн жагсаалт

1.Улаанбаатар хотын Их тойруу болон түүний доторхи замууд,
2.Энхтайвны өргөн чөлөө, төв замын Геологийн төв лабораторийн уулзвараасЧулуун овооны уулзвар хүртэл хэсэгт,
3. Чингисийн өргөн чөлөө, ТЭЦ-3-ын зүүн урд уулзвараас зүүн тийш Энхтайвны гүүр хүртэл хэсэгт,
4.Нисэхийн цагаан хаалганы зүүн уулзвараас ТЭЦ-3-ын зүүн урд уулзвар хүртэл
5.Чингэлтэйн өргөн чөлөө, 32-ын тойргийн уулзвараас долоон буудлын уулзвар хүртэл
6.Доржийн гудамж, Цайз захын уулзвараас КТМС-ийн баруун урд аюулгүйн тойрог хүртэл
7. Энэбишийн өргөн чөлөөнөөс 120 мянгатын уулзвар, Хөдөө аж ахуйн их сургуулийн уулзвар хүртэл,
8.Чулуун овооны уулзвараас Нарантуул захын уулзвар
9.Нийслэл хүрээ гудамж
10.Их Монгол Улсын гудамж, зам.