Киргизийн нийслэл Бишкек хотноо болж буй Шанхайн хамтын ажиллагааны байгууллагын /ШХАБ/ дээд хэмжээний уулзалтыг 500 гаруй сэтгүүлч сурвалжилж байгаа юм байна.

Тухайлбал, уг арга хэмжээнд Хятад, Энэтхэг, Казахстан, Пакистан, Орос, Тажикстан, Узбекистан, Афганистан, Беларусь, Иран, Монгол, Японы 115 хэвлэл мэдээллийн байгууллагын 434 сэтгүүлч оролцохоор бүртгүүлсэн талаар Киргизийн Ерөнхийлөгчийн хэвлэлийн албанаас мэдээлжээ. Мөн Киргизийн 32 хэвлэл мэдээллийн байгууллагын 94 төлөөлөгч оролцож байгаа аж.

Өчигдөр Киргизийн Үндэсний дуу бүжгийн чуулгад “Найрамдлын цуваа” гала тоглолтыг ШХАБ-ын гишүүн орнуудын төрийн тэргүүн нар үзэж сонирхжээ. Өнөөдөр ШХАБ-ын төрийн тэргүүн нарын зөвлөлийн дээд хэмжээний уулзалт “Ala-Archa” ордонд эхлэх юм.

СЭТГЭГДЭЛ БИЧИХ