Дэлхийн хамгийн их орлоготой хөлбөмбөгийн клубийг тодруулав

Английн “Манчестер Юнайтед” (МЮ) клуб дэлхийн хамгийн их орлоготой хөлбөбөгийн багийн жагсаалтыг тэргүүлжээ. Консалтингийн “Deloitte” компанийн сайтад ингэж бичсэн байна.

Тус компанийн мэдээлснээр, “МЮ” клуб 2016/17 оны улиралд 676 еврогийн орлого олжээ. Хоёрт 674 сая еврогийн орлоготойгоор мадридын “Реал” клуб бичигдсэн байна. “Улаан чөтгөрүүд” (МЮ) Европын лигт түргүүлснээр жагсаалтыг тэргүүлж чадсаныг сайтад тэмдэглэжээ.

Эхний тавд “Барселон” (648,3 сая евро), “Бавари” (587,8 сая), “Манчестер Сити” (527,7 сая) клуб бас орсон байна.

“МЮ” клуб хоёр жил дараалан жагсаалтыг тэргүүлж байгаа юм. Үүнээс өмнө “Реал” 11 жил хамгийн орлоготой клуб байсан юм.

2017 оны тавдугаар сард “Манчестер” Европын хамгийн үнэтэй клуб болжээ. Аудитын “KPMG” компанийн мэдээлснээр, 2017 онд багийн үнэ гурван тэрбум гаруй евро болсон байна.

“МЮ” клуб Английн премьер лигийн тэмцээний ангилалд 53 оноотойгоор хоёрдугаар байранд орж байгаа юм. Энд “Манчестер Сити” клуб 65 оноотойгоор тэргүүлж байна.

С.Инда