"Путиний бие эв эрүүл, тэр олон хүнийг дийлж чадна" гэв

Дональд Трампын эмнэлгийн шинжилгээ хийлгэсэн дүнг зарласны дараа Путиний хэвлэлийн нарийн бичгийн дарга Дмитрий ПесковОХУ-ын ерөнхийлөгчийн биеийн байдлын талаарбас тайлбар хийснийг хэвлэлд дурджээ.

Владимир Путинд эрүүл мэндийн асуудал байхгүй гэж Оросын төрийн тэргүүний хэвлэлийн нарийн бичгийн дарга Дмитрий Песков хэлсэн байна.

“Ерөнхийлөгч эв эрүүл бөгөөд олон хүнийг дийлж чадна” гэж Песков мэдэгджээ.

АНУ-ын ерөнхийлөгч Дональд Трамп эмнэлгийн бүрэн шинжилгээ хийлгэж, түүний бие “маш сайн байна” гэсэн эмчийн дүгнэлт гарсны дараа Путиний эрүүл мэндийг сонирхох болжээ.

ОХУ-ын төрийн тэргүүн эмнэлгийн шинжилгээ хийлгэж, өөрийн эрүүл мэндийн тухай мэдээг олон нийтэд танилцуулах шаардлагатай гэсэн заалт Оросын хууль тогтоомжид байхгүйг хэвлэлийн нарийн бичгийн дарга нэмж тайлбарласан байна.

С.Инда