Оросын тамирчдын хувцасны талаарх зааварчилгааг гаргажээ

Олон улсын олимпийн хороо (ОУОХ) 2018 оны өвлийн олимпийн наадмын үеэр Оросын тамирчдын өмсөж болох хувцасны тухай 13 зүйлт журмыг өөрийн сайтад нийтэлжээ. Оросын олимпийн хорооны төлөөлөгчидтэй уулзсаны дараа ийм шийдвэр гаргасан байна.

ОУОХ-ны комисс Өмнөд Солонгосын олимпийн наадамд оролцуулж болох Оросын “цэвэр” тамирчдын жагсаалтыг бас гаргах ёстой юм. Тэд өөр далбаатай, “Оросын олимпийн тамирчид”(Olympic Athlete from Russia, OAR) гэсэн нэртэйгээр уралдаан тэмцээнд оролцох ажээ.

Тухайлбал, хувцас нь гагцхүү нэг юмуу хоёр өнгөтэй байж болох гэнэ. Харин хувцасны зарим хэсэг нь Оросын төрийн далбааны гурван өнгөтэй байхыг хориглож байна. Хувцасан дээрх бичээсийг зөвхөн англи хэлээр бичих ёстой ажээ.

Оросын төрийн далбаа болон үндэсний бэлгэ тэмдгийг “Оросын олимпийн тамирчид” гэсэн логотипээр сольж байна.

С.Инда