Путиний тухай зарим сонирхолтой баримт

Владимир Путин асар олон хүний байнгын анхаарлын төвд байдаг юм. Оросын ерөнхийлөгчийн амьдралын нэлээд нуугдмал байдал ньүүний нэг шалтгаан.

Владимир Путин өөрийн хувийн амьдралын талаар сайрхаад байх дургүйг хэвлэлд дурджээ. Тиймээс сониуч шүтэн бишрэгчид нь түүний өнгөрсөн хийгээд өнөө үед хамаатай ямар нэг мэдээллийг бие даан олохыг мэрийдэг байна. Путиний намтрын тухай ойлгомжтой, сонирхолтой баримт тийм ч их биш. Гэхдээ түүний амьдралын тодорхойгүй байсан зарим нэг баримт үе үе гарч ирдэгбайна.

Тухайлбал, ОХУ-ын ерөнхийлөгчийн хүүхэд нас зөвлөлтийн бусад хүүхдийнх шиг тийм л байжээ. Бяцхан Володя Ленинградын төвийн Фонтанка дүүргийн нийтийн байрны нэг өрөөнд гурван хөрш айлын хамт зэргэлдээ амьдарч байжээ. Ирээдүйн ерөнхийлөгч хүүхдийн уламжлалт тоглоомуудаар тоглох дуртай байсан ч, тэрээр харх агнах ер бусын хоббитой байсан гэнэ. Тэр үед Ленинградад харх эрс олширч,байшин барилгын шат, орц, зоорийн давхар гээд хаана л бол хаана тааралддаг байж.

Владимир сурлагадаа ер нь гайгүйч алгебр, физик, хими, геометрийн хичээлд гурав авдаг байжээ. Тэрээр тавдугаар ангид сурч байхдаа анх удаа битүүхэн дурлаж явсан гэдэг.

Нэгэн удаа аз таарснаар Путиний ажил дээрдсэн бөгөөд 1974 онд сугалаагаар машин хожжээ. Владимирын нэг ангийн найз нь энэ тухай дурсан ярьсан байдаг. Тэр үед“Запорожец”машин хожино гэдэг олон сая хүний мөрөөдлийн оргил байжээ.

Владимир Путин бүр хүүхэд байхаасаа улсыг аюулаас хамгаалах албаны салбарт ажиллахыг мөрөөддөгбайсан гэнэ. Тэгээд эцсийн дүнд түүний мөрөөдөл биеэлжээ. Сурагч байхад нь дуртай киноны баатрууд нь тагнуулчид байсан гэнэ.

90-ээд оны эхээр Путинийг хангамжийн асуудалтай холбоотой хэрэгт сэжиглэж байжээ. Гэвч нотлох баримт цуглараагүй учир, эрүүгийн хэрэг үүсгээгүй байна. Бусдын бүтээлээс хулгайлсан хэмээн түүнийг бас сэжиглэж байжээ. Эдийн засгийн ухааны сэдвээр дэд эрдмийн зэрэг хамгаалсны дараа энэ явдал болсон байна. Бусдын бүтээлээс хулгайлсан тухай мэдээллийг америкийн олон нийтийн мэдээллийн хэрэгслүүд тараажээ. Ер нь Путин өөрийн олон талын авьяас, шаргуу чанар, тавьсан зорилгодоо хүрэх гэсэн чин эрмэлзлэлээрээнэртэй юм.

С.Инда