Д.Отгонцэцэг, Б.Түвшинтулга нар азербайжаны бөхтэй барилдана

Унгар улсын нийслэл Будапешт хотын “Syma Csarnok” спортын ордонд маргааш эхлэх олимпийн бус жингүүдийн ДАШТ-ний эрэгтэй чөлөөт бөхийн 61, эмэгтэй чөлөөт бөхийн 55 кг-ын жингүүдээр сугалаа гарчээ.

Эрэгтэй чөлөөт бөхийн 61 кг-ын жинд 22 бөх зодоглож байна. Манай бөх олон улсын хэмжээний мастер Т.Түвшинтулга нэгдүгээр тойрогт залуучуудын дэлхийн аварга, дагестан гаралтай азербайжаны бөх Ахмеднаби Гварзатиловтой сугалаа таарчээ. Түүнийг ялбал хоёрдугаар тойрогт европийн аварга шалгаруулах тэмцээний мөнгөн медальт, беларуссын бөх Георгий Калиев, хятадын бөх Мин Ху Ли хоёрын аль хожсонтой барилдана. Энэ хэсэгт энэтхэгийн Бажранг, ДАШТ-ний хүрэл медальт, азийн хошой аварга, казахстаны Даулет Ниязбеков, узбекийн Тэмиржон Усмонохунов, европийн спортын наадмын мөнгөн медальт, гүржийн Бека Ломтазе, киргизийн Адилет Маматаев, туркийн Лежеп Топал, молдавын Андрей Перепелица, польшийн Кршиштоф Бьянковски нар багтсан байна.

Нөгөө хэсэгт европийн аварга, армяны Володя Франгулян, болгарын Дмитрий Иванов, оросын Ахмед Чакаев, АНУ-ын Логан Стибер, ДАШТ-ний хүрэл медальт, украиний Василь Шуптар, азийн аварга шалгаруулах тэмцээний мөнгөн медальт, ираны Бехнам Эшах Эхсанпуур, румыний Андрей Дуков, унгарын Йозеф Молнар, японы Шинго Аримото нар багтсан байна.

2014 оны ДАШТ

Узбек улсын Ташкент хот

61 кг 1. Хажи Алиев /Азербайжан/

2. Масуд Исмаельпур /Иран, ДАШТ-ний

хошой хүрэл медальт, азийн аварга/

3. Энхсайханы Ням-Очир /”Хилчин” спорт хороо/

3. Ювлус Бонне Родригес /Куба/

2015 оны ДАШТ

АНУ-ын Лас-Вегас хот

61 кг 1. Хажи Алиев /Азербайжан, дэлхийн аварга/

2. Батболдын Номин /“Гацуурт-Олимп” клуб, үндэсний

шигшээ багийн тамирчин, Ази тивийн аварга

шалгаруулах тэмцээний хошой хүрэл, залуучуудын

ДАШТ-ний мөнгөн медальт/

3. Владимир Владимиров Дубов /Болгар, дэлхийн аварга/

3. Василь Шуптар /Украин, Европийн наадмын болон тивийн

аварга шалгаруулах тэмцээний хүрэл медальт /

Эмэгтэй чөлөөт бөхийн 55 кг-ын жинд 17 бөх зодоглож байна.

Манай бөх олон улсын хэмжээний мастер Д.Отгонцэцэг нэгдүгээр тойрогт хийлж хоёрдугаар тойрогт азербайжаны бөх Алёна Колесникатай сугалаа таарсан байна. Түүнийг хожбол ДАШТ-ний мөнгөн медальт, европийн аварга, оросын Ирина Ологонова, туркийн Бурса Кэвик, ДАШТ-ний хүрэл медальт, германы Жаклина Шашкия Шеллин нарын барилдаанаас шалгарч ирсэн бөхтэй хүч үзнэ. Энэ хэсэгт беларуссын Катарзина Янушкевич, тайваны Жо Чи Чиу, энэтхэгийн Лалита, молдавын Лилия Леодра нар багтсан байна.

Нөгөө хэсэгт залуучуудын дэлхийн аварга, японы Мая Микаида, АНУ-ын Сарах Хилдебрандт, болгарын Елена Петровна Якимчук, унгарын Рамона Галамбус, казахстаны Айым Абдулина, польшийн Роксана Засина, францийн Матильда Ривера, ДАШТ-ний болон европийн аварга шалгаруулах тэмцээний хүрэл медальт украиний Татьяна Кит нар байна.

2014 оны ДАШТ

Узбек улсын Ташкент хот

55 кг 1. Чихо Хамада /Япон, залуучуудын дэлхийн аварга/2. Ирина Ологонова /ОХУ/3. Хэлэн Луис Марилиус /АНУ, ДАШТ-ний мөнгөн медальт/3. Ирина Харив /Украин/

11. Алтанцэцэгийн Батцэцэг /Дархан-Уул аймаг, “Хасу-

Мегатарс” клуб, залуучуудын дэлхийн аварга/

2015 оны ДАШТ

АНУ-ын Лас-Вегас хот

55 кг 1. Хэлэн Луис Марилиус /АНУ, ДАШТ-ний мөнгө, хүрэл медальт/2. Ирина Ологонова /ОХУ, ДАШТ-ний мөнгөн медальт/3. Татьяна Кит /Украин/3. Эвелина Николова /Болгар/

10. Сүндэвийн Бямбацэрэн /”Аврагч” спорт хороо,

Азийн спортын наадмын мөнгө, Ази тивийн аварга

шалгаруулах тэмцээний хүрэл медальт/

Н.Цэнгэл