Нэг ам.доллар 2464 төгрөгтэй тэнцэж байна

Монголбанкны өчигдрийн зарласан ханшаар нэг ам.доллар 2452 төгрөг 98 мөнгөтэй тэнцэж байгаа бол “Найман шарга” валют арилжааны төвд нэг ам.долларыг 2450 төгрөгөөр худалдан авч, 2460 төгрөгөөр арилжиж байна.

Харин “Ард” валют арилжааны төвд нэг ам.долларыг 2463 төгрөгөөр арилжиж байгаа бол банкууд 2420-2434 төгрөгөөр худалдан авч, 2462-2464 төгрөгөөр арилжиж байна. Хэдийгээр арилжааны банкууд ам.доллар худалдан авах болон зарах ханш тогтоосон ч долларын гүйлгээг зогсоогоод байгаа юм. Учир нь банкууд валютын хомсдолд орж эхэлсэн ба нэг сарын өмнөөс валютын арилжаанд хязгаар тогтоогоод байсан юм.