Хоёр хөршийн сургуультай амьтад манайд ирнэ

“Шинэ цирк” төвөөс Хятадын циркийн жүжигчид, Москвагийн циркийн сургуультай амьтдыг жүжигчдийнх нь хамт урин энэ сарын 25-аас зургадугаар сарын 3-ыг хүртэл “Хөрш гурав” нэртэй тоглолт хийхээр болсон талаар мэдээлэл хийлээ. Үзүүлбэрүүдийн дийлэнхийг Оросын сургуультай амьтдын үзүүлбэр эзлэх бөгөөд таван баавгай, нэг чоно, гурван нохой, 20 гаруй галуу, хоёр сармагчин, тахиа гээд 40 гаруй сургуультай амьтан ирэх юм байна.

Тэд хоёр хөл дээрээ зогсоно, дугуй унана, бүжиглэнэ, нарийхан утсан дээр зогсоно. Харин галуунуудын хувьд гулгаж, саадтай төмөр дээгүүр харайж, сургуультай морьдын үзүүлбэрийг дуурайн хийж олныг баясгах нь. Тэд Дархан Эрдэнэт хотуудаар тоглох төлөвлөгөөтэй байгаа гэнэ. Билетийн хувьд хүүхэд /0-4 наснаас дээш/-10.000₮, том хүн-15.000₮, VIP суудал-30.000₮ бөгөөд циркийн кассаар болон “Ачлал” их дэлгүүрийн урд байрлах явуулын кассаар худалдаалж байгаа юм.

Б.Цэлмэг