Ой хамгаалагчид мотоцикл, иж бүрэн хэрэгсэлтэй боллоо

Хүн амын ундны усны эх үүсвэр, байгалийн нөөц газрыг хамгаалах зорилгоор Сонгинохайрхан дүүргийн 24-р хорооны нутаг дэвсгэр Баруун салааны амны Бумбатын рашааныг Сонгинохайрхан дүүргийн Иргэдийн Төлөөлөгчдийн Хурлын Тэргүүлэгчдийн тогтоолоор 2013 онд Байгалийн нөөц газрын ангилалаар орон нутгийн тусгай хамгаалалтад авсан.

Орон нутгийн тусгай хамгаалалтад авсан дээрх газрын хөрсний бохирдлыг бууруулах, тоосжилтоос сэргийлэх ажлын хүрээнд “Амьд Байгаль” ТББ-ын санаачлагыг дэмжин, нийслэлийн Экологи ногоон хөгжлийн асуудал хариуцсан орлогч дарга Т.Бат-Эрдэнэ, Байгаль орчин ногоон хөгжлийн газар, Цэвэр агаар төсөл, Агаарын чанарын алба, Үйлдвэр хөдөө аж ахуйн газрын мэргэжилтнүүдтэй хамтран их цэвэрлэгээний ажлыгзохион байгууллаа.

Энэ үеэр байгаль хамгаалагчдын ажиллах нөхцөлийг сайжруулах зорилгоор эрчим хүчинд холбогдох боломжгүй газарт ажиллаж байгаа нийт 10 байгаль хамгаалагчдад нарны зайн үүсгүүр, 4 хэсэг тус бүрт сүүлийн үеийн хүчин чадал сайтай иж бүрэн компьютер, принтер олгож, бүх байгаль хамгаалагчийг энгэрийн камер, цахилгаан бороохой, 2 нүдний дуран, хийн гар буу, зургийн аппарат гэх мэт техник хэрэгслээр бүрэн хангалаа.

Мөн шинээр 10 мотоцикль олгосон юм гэж Нийслэлийн Байгаль, орчин ногоон хөгжлийн газраас мэдээллээ.