Үндэсний 16 дахь “Номын баяр”

Зохион байгуулагч:

Соёл, спорт, аялал жуулчлалын яам,
“Номын соёлт ертөнц”ТББ
Дэмжигч:
“Промон трейд” ХХК,
“Их майдар” төсөл,
Монголын залуучуудын холбоо,
Номонд шимтэгчдийн холбоо,
Номын салбарынхны өргөн цугларалт үндэсний “Номын баяр” 2014 оны 9-р сарын 20-нд Чингисийн талбайд “Ном бол оюун санааны тусгаар тогтнол” уриан дор зохион байгуулагдана.

Баярын өдөр: Тэргүүний уншигч хүүхдүүдэд шагнал гардуулах, үнэт ховор номын үзэсгэлэн, хамгийн их уншлагад гарсан, уншлагад гараагүй номын үзэсгэлэн, Ардын уран зохиолчдын бүтээлийн үзэсгэлэн, хамгийн их уншигддаг уран зохиолын номын рейтингийг тогтоох, номын сангийн шинэлэг үйлчилгээг танилцуулах, ахмад зохиолчид хүндэтгэлийн дэвтэрт дурсгалын үг бичих, зураг авахуулах, номын хандив, зохиолчдын гарын үсэгтэй худалдаа, шинэ номын нээлт, уулзалт зэрэг ном тойрсон олон олон үйл явдал болно.

Уламжлал ёсоороо 16 дахь баярын хүндэт зочид нь Ардын уран зохиолч, төрийн шагналт, соёлын гавьяат зүтгэлтэн зэрэг ахмад зохиолчид. Тэд өөрсдийн ном бүтээлээ сурталчлан оролцож гарын үсэгтэй худалдаалах юм. Харин ном эрхлэн гаргагч байгууллагууд номоо 5-50% хямдруулан худалдаална.
Мөн Улаанбаатар хотын алслагдсан дүүргүүдэд амьдардаг хүүхэд залууст номын сан, интернетийн үйлчилгээг хүргэх “Морьтой үлгэр” төсөл эхлэнэ. Тус төслийн автобусан номын санг “Go Help” Олон улсын хүүхдийн байгууллага үзүүлж, сонирхуулж, үйлчилнэ.

“Номын Соёлт ертөнц” ТББ, Монголын залуучуудын холбоо хамтран залуучуудад зориулсан номруу хандсан төсөл хөтөлбөрийн танилцуулга хийгдэнэ.
Зохион байгуулагчдын зүгээс төрийн болон бизнесийн байгууллагуудад хандан номын салбарын хөгжилд хувь нэмрээ оруулж, ном худалдан авч, тархи оюунаа цэнэглэн оюундаа хөрөнгө оруулахыг уриалж байна.
Байгууллага: Монголын зохиолчдын эвлэл, “МУИС пресс” хэвлэлийн газар, Монгол утга зохиол судлалын төв, Төрт ёс хаадын сан,” Монсудар” хэвлэлийн газар, “Мир ном” хэвлэлийн газар, Bookstore.mn цахим номын худалдаа, үйлчилгээ, “Амар Өргөө” хэвлэлийн газар, Монгол чөлөөт зохиолчдын холбоо, “Хөх дэвтэр” хэвлэлийн газар, Цогт цагийн хүрдэн соелын төв, “Датабэйс” сургалтын төв, “Шилдэг ном цуврал”, “Номуун далай” дээд сургууль, “Номын хүрд” хэвлэлийн газар, “Болор судар” хэвлэлийн газар, “Нэпко” хэвлэлийн газар, ШУА-ийн Түүхийн хүрээлэн, “Ерөөлийн суваг” хэвлэлийн газар, “Өнгөт хэвлэл” хэвлэлийн газар, “Хүмүүн бичиг” сонин, “Шидэт өнгө” хэвлэлийн газар, “Монгол ном” ХК, “BSS print” ХХК, Хүний хөгжлийн институт, “Go help” ТББ, “Сүүн сувд” ХХК, “Номун далай” бүрэн дунд сургууль гэх мэт.

Зохиолч, орчуулагч, яруу найрагч: Ж.Нэргүй, Ц.Донзой, Б.Сарантуяа, Б.Шүүдэрцэцэг, Б.Төгсжаргал, Д.Бадрал, Ж.Амай, Н.Отгончимэг, Р.Батцэнгэл, П.Батхуяг, Д.Болдбаатар, Б.Галаарид, Ж.Бат-Ирээдүй, О.Чинбаяр, Д.Ган-Очир, Д.Гүн-Үйлс, А.Дашхуяг, А.Бат-Эрдэнэ болон ардын уран зохиолчид, гавъяат гэх мэт
Номын клуб: Номонд шимтэгчдийн холбоо, ШУТИС-ийн “Миний ном”, “Ном солилцъе in Frankfurt”, “Ширээний ном”, “Цахим номын анд” клуб гэх мэт.

Хөтөлбөр:
09 дүгээр сарын 20-нд Чингисийн талбайд:
- Ахмад зохиолчдод хүндэтгэл үзүүлэх “Улаан хивсний ёслол”
- “Ардын уран зохиолчдын уран бүтээл” номын үзэсгэлэн
- “Д. Нацагдорж тэмдэгтэн-Тэргүүний уншигч” шагналт сурагчдын бүтээлийн үзэсгэлэн
- Зохиолын шилдэг дүрийн тоглолт
- “Миний дуртай зохиолын баатар” хүүхдийн гар зургийн үзэсгэлэн
- “Эртэч хүүхэд” хөтөлбөрийн тайлан-үзэсгэлэн
- “Үлэмж цаглашгүй өв” баримтат кино
- Үнэт ховор номын цахим үзэсгэлэн
- Шинэ номын нээлт
- Номон шагналтай тэмцээн уралдаан
- “Номын хандив” арга хэмжээ
- “Ном бол ....” сэтгүүлийн тусгай дугаарын танилцуулга
- Зохиолчдын гарын үсэгтэй номын худалдаа
- Номын яармаг, худалдаа

Майдар төслийн байранд:
09.30-11.00 “Номын хэрэглээг нэмэгдүүлэх олон улсын номын сангуудын туршлага” сургалт- танилцуулга
11.40-12.20 “Харааны бэрхшээлтэй иргэдэд зориулсан номын сангийн үйлчилгээний эрх зүйн орчин” дугуй ширээний ярилцлага

13.00-15.00 “Номын зах зээлийн маркетинг” уулзалт – ярилцлага

09 дүгээр сарын 19-ний өдөр Үндэсний номын сан
10.00-11.00 “Соёлын баримтат өвийг хамгаалах үндэсний хөтөлбөр”-ийн танилцуулга-сурталчилгаа
11.00-11.30 “Цахим номын сан”-гийн танилцуулга
УБ хотын төв номын сан:
14.00-16.00 - “Гурван үеийн хүүхдийн зохиолчид” уншигч-зохиолчдын уулзалт
13.00-15.00 “Номын сангийн шинэлэг үйлчилгээ” танилцуулга, ярилцлага
15.00-17.00 “Улсын нэгдсэн электрон каталогийн мэдээллийн сан“ ярилцлага, хэлэлцүүлэг

Хүүхдийн номын ордон:
12.00-14.00 “Найзуудаа ямар ном уншиж байна” тэргүүний уншигчдын уулзалт
12.00-13.30 “Үлгэрийн цаг”

Үзэсгэлэн

09 дүгээр сарын 19-20-ны 11.00-16.00 цагт Үндэсний номын санд
- “Үнэт ховор номын музей”
- “Бяцхан номын үзэсгэлэн”
Улаанбаатар хотын төв номын сан:
- “Хамгийн их уншлагад гарсан ном”
- “Уншлагад огт гардаггүй ном”
- “Хамгийн жижиг, хамгийн том хэмжээтэй ном”
- “Хүүхэд-ном-мэдлэг”

Номын баярын өдрүүдэд Үндэсний номын сан, Улаанбаатар хотын төв номын сан, Хүүхдийн номын сангийн үйл ажиллагааг иргэдэд танилцуулах ба “Танд уншихыг зөвлөж байна”, “Ном унших зөвлөмж”, “Уншсан номын тэмдэглэл хөтлөх” талаар мэдээлэл, зөвлөгөө өгнө.

Харилцах утас: 88892900 99054178