АНУ-ын шигшээ баг аваргаа хамгаалахаар боллоо

Испани улсад зохиогдож буй сагсан бөмбөгийн ДАШТ-ий хагас шигшээгийн эхний тоглолт АНУ-Литвийн багийн хооронд боллоо. АНУ-ын шигшээ баг өрсөлдөгчөө 96:68-аар буулган авч аваргаа хамгаалахаар болсон байна. “Мөрөөдлийн баг”-аас энэ үдэш К.Ирвинг 18 оноо, К.Томпсон, Ж.Харден 16 оноо, С.Кэрри 13 оноогоор багийн нөхдөө тэргүүлжээ.

Харин Литвийн шигшээгээ М.Кузминс 15 оноо, 9 самбар, Ж.Валанчус 15 оноо, 7 самбар, А.Жускевис 12 оноо, М.Почус 10 оноо авсан ч энэ нь ялалт байгуулахад хангалттай байсангүй.

Шөвгийн дөрвийн хоёр дахь тоглолт өнөө шөнө болох бөгөөд 2013 оны Европын аварга Франц, 2010 оны дэлхийн аваргын дөрөвдүгээр байрын шагналт Серб хоорондоо тоглоно.