Холливудыг зорьсон Амараа анхны дүрээ авлаа

Намайг Амараа гэдэг” хэмээн хэлэх рекламаар олонд танигдсан жүжигчин Б.Амарсайханхилийн дээс алхаж, кино урлагт хүч үзэхээр шийдсэн билээ. Тэрбээр, Холливуддын “UNEW” агентлагт жүжигчнээр ажиллахаар болсон аж. Тэгвэл жүжигчин залуу Малайзад очиж, Холливудын кинонд бүтээх анхны дүрээ авчээ.

Тодруулбал, тэрбээр дэлхийн 20 орны 600 гаруй уран бүтээлчид оролцон бүтээж буй нэрт аялагч Марко Пологийн тухай кинонд туслах дүр бүтээхээр болсон байна. Амараа кино багийнхантайгаа авахуулсан зургаа цахим хуудсандаа нийтлэн, энэхүү мэдээгээ хамгийн түрүүнд монголчуудтайгаа хуваалцлаа.

Энэхүү зураг дээр байгаа хамгийн жижиг биетэй залуу нь Хубилай хааны дүрийг бүтээж байгаа бөгөөд Амараа болон бусад биерхүү залуус нь түүний баатруудад тоглож байгаа аж.