Роналду дахиад л шинэ амжилт тогтоов

Испанийн хөлбөмбөгийн “Реал” багийн довтлогч Криштиану Роналду Примерагийн 27 дугаар тойрогт “Леванте” багтай хийсэн тоглолтод гоол оруулжээ. Ийнхүү португал залуу 100 дахь тоглолтдоо айлын хаалгыг мялаасан байна. Роналду 158 удаа талбай дээр гарч энэ амжилтыг тогтоосон нь Ла лигийн шинэ дээд амжилт гэнэ.

Мөн энэ тоглолтод “Реал”-ын хөлбөмбөгчид тоглолтын цагийн 71.4 хувьд нь бөмбөг эзэмшсэн нь Карло Анчеллоттиг эзэн хааны багийг дасгалжуулж эхэлсэн үеийн бас нэг дээд амжилт юм. 27 тоглолтын дараа мадридчууд 67 оноотойгоор хүснэгтийг тэргүүлж байгаа бөгөөд “Атлетико”-г гурван оноогоор, “Барселона”-г дөрвөн оноогоор илүүрхэж байгаа аж.