Баг үүргээ гүйцэтгэж чадаагүй бол миний буруу

ОХУ-ын хоккейн шигшээ баг Финляндын багтай хагас шигшээгийн төлөө тоглолтод 1:3 харьцаатайгаар хожигдсон нь оросуудад том цохилт болсон. Нутгийнхаа мөсөн талбайгаас алтан медаль авах зорилготой байсан тэдний мөрөөдөл ийнхүү нуран унав. Оросын хоккейн шигшээ багийн ерөнхий дасгалжуулагч Зинэтула Билялетдиноваас тоглолтын талаар sport.ru сайтын сэтгүүлчдийн авсан ярилцлагыг хүргэж байна.

-Хүчтэй довтлогчидтэй баг хэрнээ хариуцлагатай тог­­­лол­тод яагаад ийм муу тоглосон бэ?

-Яг ийм шалтгаанаар ганц шайб оруулсан гэж ха­риу­­лахад хэцүү. Тоглогчид клуб­­тээ бол олон шайб оруул­­даг шүү дээ. Овечкин гэ­хэд л “Вашингтон” клубт тоглох­доо 40 гаруй шайб оруулж байсан.

Одоогоор юу болсон уч­рыг тайлбарлаж чадахгүй байна. Хэн нь буруутай гэж хэлэх аргагүй. Мэдээж хэцүү байна. Тоглогчид бүгдээрээ л хичээж, тэмцээнд бэлтгэсэн. Харамсалтай нь хувийн алдаа гаргалаа. Ийм тоглолтод ганц шайб оруулна гэдэг үнэ­хээр муу.

-Та дасгалжуулагчаар цаа­шид ажиллах уу?

-Миний шийдвэрлэх асуу­дал биш. Надад бол ажиллах хүсэл байна. Хүүхдүүддээ ч дас­сан. Гэхдээ удирдлага шийд­­вэрлэнэ.

-Энэ тоглолт үнэхээр сүйрэл байлаа...
-Амжилтгүй тоглолт бол­сон. Хүссэнээрээ л нэр­лэ. Надад хэн нэгнийг хариуц­лагагүй байсан гэж зэмлэхэд хэцүү байна. Бүгдээрээ л хи­чээсэн болохоор тоглогч­дын талаар ямар ч муу зүйл хэлж чадахгүй.

-Нутагтаа болж байгаа олимпод та хариуцлагаа ойл­гож байсан ч болсонгүй...

-Тийм ээ, би ойлгож бай­сан, ажлаа мэргэжлийн хэмжээнд хийхийг хичээсэн. Шаардлагатай гэж үзсэн бүх зүйлээ хийсэн. Би зүгээр л ажлаа хийсэн, тэрнээс биш дарамт шахалт мэдрээгүй ээ.

-Таны гаргасан алдаа юу байсан юм бол. Овечкин, Малкин хоёрыг салгаж тог­луулах байсан уу?
-Би их бодсон... Одоо энэ талаар юу ярих вэ. Бүх зүйлд би буруутай. Хэрвээ баг үүр­гээ гүйцэтгэж чадаагүй бол энэ миний буруу. Бид олон шайб оруулах ёстой бай­сан. Бидэнд үүнийг хийж чадах хоккейчид байгаа. За­рим асуултад хариулахад бэ­лэн биш байна.

-Сүүлийн хоёр тоглол­тод Никулинг яагаад оролцуу­лаагүй вэ?
-Долоон хамгаалагч, 13 довтлогч тоглуулах шийд­вэр гаргачихсан байсан. Ко­вальчукийн эрүүл мэн­дийн байдал асуудалтай бай­сан ч би энэ талаар яриагүй юм. Түүний гэмтэл нь хөнгөн байгаагүй.

-Та тоглогчдын байрлал дээр алдаа гаргасан юм биш биз. Одоо тэгдэг л байж гэж санагдаж байна уу?

-Манай хамгийн шил­дэг тоглогчид тэмцээнд оролц­­сон. Хамгаалах болон довт­лох байрлал бүрт хамгийн хүчтэй тамирчид байсан. Би оруулаагүй байж болох тог­логчийг нэрлээч.

-Варламовыг оруулсан нь буруу байсан уу?

-Хэлэхэд хэцүү байна. Бид хэнийг тоглуулах та­лаар ярилцсан. За яахав Бобровс­кийг оруулсан бол байдал ямар байх вэ? Дараа нь та нар Бобровский өчигдөр тог­лосон, харин Семёнийг оруулах байсан гэж ярина шүү дээ.

-Гэхдээ та нэг дугаартай хаал­гачаар хэнийг тавихаа сайн тодорхойлоогүй юм шиг санагдсан...
-Бобровский ч тэр, Варла­мов ч тэр хоёулаа сайн хаал­гач.

-Варламовыг оруулах шийд­вэрийг хэн гаргасан бэ. Та юу, хаалгачдын дас­­гал­­жуу­лагч Мышкин гар­гасан уу?

-Би ерөнхий дасгалжуу­лагч учраас шийдвэр гарга­сан.

-Өрсөлдөгч багийн идэвх­тэй тоглолт манай хок­кейч­дийн хамгаалалтын шуга­мыг тасалдуулж байсан та­­лаар юу хэлэх вэ?
-Финляндчууд сайн тог­лолоо. Шайбгүй хэрнээ дов­­тол­­гоог эвтэйхэн хийж бай­сан. Манайхан довтолгоог эсэр­гүү­цэхэд хэцүү болсон.

-Тэд их сайн зохион бай­гуу­лалттай тоглож, да­раа­лаад шайб оруулсан...

-Бид ч зохион байгуу­лалттай тоглохыг хичээсэн. Хамгаалсан тоглолт хий­дэг гэж намайг үргэлж бу­руут­гадаг.

Хэн буруутгаж байна вэ гэхээр хамгаалалт, довтлолт гэж юу болохыг ойлгодоггүй хүмүүс тэгж хэлдэг. Би дахиад хэлье. Сайн баг хамгаалаад довтлоод тог­лодог, финлян­дчууд шиг. Тэд сайн хам­гаалж байсан шүү дээ.

-Та хөгжөөн дэмжигчдэд юу хэлэх вэ?

-Уучлалт гуйж байна. Уг нь арай өөр зүйл хэлэх горьдлоготой байсан юм.

-Олимпийн бусад урал­даан тэмцээнийг энд үзэх үү?
-Үгүй ээ. Би Сочигоос явлаа. Дараа нь яахыг хэлж мэдэхгүй байна. Уралдаан тэмцээнийг бол гэртээ үзнэ.