“Home plaza" орчмын дулааны шугамд гэмтэл гарсныг засварлажээ

Өнгөрсөн шөнө "Home plaza" орчмын дулааны шугамд гэмтэл гарчээ.

Энэ талаар Улаанбаатар дулааны шугам сүлжээгээс тодруулахад "Өнгөрсөн шөнө "Home plaza" орчмын дулааны шугамд гэмтэл гарсан. Бид 01:30 цагийн үед гэмтлийг засаж дуссан. Удахгүй халуун усыг тавина" гэв.

 2024 оны өвөлжилтийн бэлтгэл ажлыг хангах хүрээнд нийт 644 төсөл арга хэмжээ, инженерийн шугам сүлжээ, тохижилтын ажил хийхээр төлөвлөсөн. Үүнээс 27.1 км нь дулааны шугам сүлжээнд хамаарна. Тодруулбал, энэ жилийн хувьд 30, 40 жил болсон дулааны шугам сүлжээтэй Бага тойруу буюу Багшийн дээдээс СУИС-ийн урдуур Цэцэг төв хүртэл, Жамьян гүний гудамж буюу Төв номын сангаас “Блю скай”-н урдуур Багшийн дээд хүртэл, 3, 4-р хорооллын эцэс гэх мэтчилэн 30 км гаруй замыг иж бүрэн шинэчлэхийг мэдээлээд байв.