ЧД-ийн 17 дугаар хорооны 30 цэгт 125 ширхэг камерыг суурилуулжээ

Чингэлтэй дүүргийн 17 дугаар хорооны 30 цэгт 125 ширхэг камерыг суурилуулж дуусжээ.

Чингэлтэй дүүрэгт 2022 оноос "Ногоон бүс" төслийг хэрэгжүүлэн Монгол Улсын телехяналтын тоног төхөөрөмжийн (MNS6423:2019) стандартыг хангасан 4 мегапиксел үзүүлэлттэй 145 ширхэг камерыг анх 61 цэгт байршуулснаас хойш өнөөдрийг хүртэл нийт 2539 камерыг Чингэлтэй дүүргийн 21 хороонд байршуулаад байна. 2024 оны 12 дугаар сард 17 дугаар хорооны 30 цэгт 125 ширхэг камерыг байршуулах ажил дуусаж, Телехяналтын нэгдсэн камерын төвд холболоо.

Ирэх онд үлдсэн 18, 23 дугаар хороог камержуулснаар дүүргийн 24 хороо бүгд хяналтын камертай бүс болж байна. Ингэснээр Чингэлтэй дүүргийн Телехяналтын нэгдсэн камерын төвтэй холбогдон дүүргийн нийтийн эзэмшлийн зам, талбай, гудамжийг хянаж, гэмт хэрэг зөрчлийн урьдчилан сэргийлэлт болон илрүүлэлт нэмэгдэх юм.