У.Мөнх-Эрдэнэ: Би боксын холбоонд хариугаа хэлээгүй байгаа

Ирэх сард Казакстанд боксын ДАШТ болно. Харин уг тэмцээний 64 кг-ын жинд манай улсаас ямар тамирчин явах нь тодорхойгүй байна. Энэ жинд гавьяат тамирчин У.Мөнх-Эрдэнэ, ОУХМ З.Энхзориг хоёрын хэн нэгнийг нь сорилгод оруулсны үндсэн дээр явуулна гэж МБХ-ноос үзэж байгаа. Харин энэ шийдвэрийг нь гавьяат тамирчин У.Мөнх-Эрдэнэ эсэргүүцэж, "Оюутны дэлхийн аваргаас ч медаль аваагүй тамирчинтай сорилгод орохгүй, би дэлхийд жиндээ номер нэг тамирчин" хэмээн мэдэгдсэн. Тэгвэл зарим хэвлэл мэдээллийн хэрэгслээр У.Мөнх-Эрдэнэ Боксын холбооноос гаргасан эл шийдвэрийг дагахаар болжээ гэсэн мэдээлэл гарсан. Энэ талаар тодруулахаар түүнтэй холбогдоход "Одоо надад ярих зүйл алга. Би боксын холбоонд хариугаа хэлээгүй байгаа" хэмээсэн юм.

Б.Цэлмэг