Баянхошуу орчимд агаар “Маш их бохирдолтой” түвшинд хүрчээ

Ойрын өдрүүдэд Улаанбаатар хотод агаарын чанар эрс муудаж, харагдах болон үнэртэх байдлаар утаа нэмэгдсэн төлөв ажиглагдсан. Тухайлбал хоёр хоногийн өмнөх агаарын чанарын шинжилгээгээр нийслэлийн ихэнх бүс “их бохирдолтой”, Баянхошуу орчим “Маш их бохирдолтой” түвшинд хүрчээ.

Агаарын чанарын хоногийн мэдээллийг тоймлон хүргэдэг Agaar.mn сайтын мэдээлснээр, Улаанбаатар хотын агаарын чанарын индексийн мэдээгээр 2024 оны 01 дүгээр сарын 01-07-ны өдрүүдэд 100-н айл, Толгойт, Нисэх, 13-р хороолол, Амгалан, Ургах наран хороолол, Зайсан, Мишээл экспо, Налайх, 5-н буудал, Цахилгаан станц, орчим “Бага бохирдолтой”, 1-р хороолол, Баруун 4-н зам, Шархад, Зурагт орчим “Бохирдолтой”, Хайлааст орчим “Их бохирдолтой”, Баянхошуу орчим “Маш их бохирдолтой” түвшинд хүрсэн байна.