Гандантэгчэнлин хийдийн дэд хамбаар С.Гантөмөр ламыг өргөмжилжээ

МБШТөв Гандантэгчэнлин хийдийн буддын гүн ухааны Дашчойнпэл дацангийн гавж С.Гантөмөр ламыг тус хийдийн дэд хамбаар өргөмжилжээ.

XVII жарны “Үзэсгэлэн болгогч” хэмээх усан туулай жилийн өвлийн дунд хөх хулгана сарын шинийн гуравны өлзий билэгт сайн өдөр түүнийг дэд хамбаар томилсон байна.

Түүнийг дэд хамбаар өргөмжлөгдсөний ёслол хүндэтгэлийн үйл ажиллагаа энэ сарын 15-нд Батцагаан цогчэн дуганд болохоор товлогджээ.

Гандантэгчэнлин хийдийн 30 дахь Тэргүүн их хамба Д.Жавзандорж ламыг өнгөрсөн сард хүндэтгэлтэйгээр суудалд нь залсан билээ.