НӨАТ: 10 саяын хоёр, таван саяын дөрөв, 500 мянгын 37 азтан тодорлоо

НӨАТ-ын сугалааны тохирол өнөөдөр /2023.06.21/ 13:00 цагт болж өндөрлөлөө. Азтан тодруулах тохирлыг "Боловсрол суваг" телевиз болон ebarimt аппликейшнаар шууд дамжуулав.

Энэ удаагийн сугалааны тохиролд тавдугаар сарын 1-31 хооронд худалдан авалт хийж, цахим системд бүртгэгдсэн бүх баримт хамрагдсан юм.

Тохирлоор 10 сая төгрөгийн хоёр, таван саяын дөрөв, 500 мянгын 37, 100 мянгын 427, 60 мянгын 4047, 40 мянгын 40,031 азтан тодорлоо.