УИХ-ын гишүүн Ж.Чинбүрэн: Хүүхдүүдийг англи хэлийг бусдад олгохгүй ялгаатай хандах гэж байгаа зүйл ерөөсөө байхгүй

Боловсролын багц хуулийн төслийн эхний хэлэлцүүлгийг УИХ өнгөрсөн сард хийсэн. Энэ хуульд англи хэлийг үндсэн гадаад хэл гэж тусгасан юм. ЕБС-ийн гуравдугаар ангийн сурагчдад 2024 оны хичээлийн жилээс эхлэн англи хэл заахаар БШУЯ төлөвлөж байв.

Өнөөдөр болсон, УИХ-ын   БСШУСБХ-ны хурлаар дээрх заалтыг хасах саналыг УИХ-ын Ж.Чинбүрэн дэвшүүлж, хуралдаанд оролцсон гишүүдийн дийлэнх дэмжсэн байна. УИХ-ын гишүүн Ж.Чинбүрэн хүүхдүүдэд багаас нь буюу гуравдугаар ангиас нь англи хэл заах нь Монгол хэл, өв соёл, үндэсний аюулгүй байдалд заналхийлнэ гэж үзжээ.