Л.Мессиг Бээжингийн нисэх онгоцны буудалд саатуулав

Л.Мессиг Бээжингийн нисэх онгоцны буудалд саатуулав Энэ тухай Gulf Today мэдээлжээ. Өнгөрсөн 12-р сард Катарт болсон хөл бөмбөгийн дэлхийн аварга шалгаруулах тэмцээнд Аргентины шигшээ багийг ахлан оролцож түрүүлсэн, "Алтан бөмбөг"-ийн долоон удаагийн эзэн түүнийг цагдаа нар Аргентины паспортгүйн улмаас саатуулсан аж. Тэрээр Испанийн паспортоо тэдэнд үзүүлсэн ч тусыг эс олсон байна. Эцэст нь аюулгүй байдлын ажилтнууд нөхцөл байдлыг шийдэж, саатуулснаасаа 30 минутын дараа алдарт хөл бөмбөгчид нэвтрэх виз олгов. Энэ сарын 24-нд 36 нас хүрэх Л.Месси 15-нд болох Аргентин, Австралийн шигшээ багийн нөхөрсөг тоглолтод багаа ахална.