“Digital student 2023” сорилго амжилттай болж, шилдэг сурагчдад тэтгэлэг олгожээ

УИХ-ын гишүүн, ЦХХХ-ны сайд Н.Учрал жил бүр ахлах ангийн сурагчиддаа амжилт хүсэж, орчин цагийн оюутны эзэмшвэл зохих ур чадваруудыг таниулах “Digital student” арга хэмжээг зохион байгуулдаг. Энэ жил "Digital Student" арга хэмжээг "Элсэлтийн ерөнхий шалгалтын цахим сорилго" хэлбэрээр ЕБС-ийн төгсөх ангийн сурагчдын дунд зохион байгуулжээ. 

Шилдэг 20 хүүхдийг дотоодын их дээд сургуулийн 1 жилийн тэтгэлгээр мөн  шилдэг 14 хүүхдийг БНХАУ-д аялангаа суралцаж, ОУ-ын сертификат авах эрхээр шагналаа. 

Мөн шавь нараа амжилттай бэлтгэсэн 30 багшийг мэдээлэл технологийн мэдлэг олгох цахим сургалтад хамруулж, улмаар 5 шилдэг багшид Катар Улсад зохион байгуулагдах "Seeds for the Future" хөтөлбөрт хамрагдах эрх олгох юм байна.