Орон нутгийн замд гурван суудлын автомашин мөргөлдөж, нэг иргэн хавчуулагдсан байсныг эсэн мэнд гаргажээ

Төв аймгийн Сэргэлэн сумын Хөшиг баг /аймгийн төвөөс урд зүгт 26 км-т/ Авто замын осол болж, автомашины төмөр хийцэд 1 хүн хавчуулагдсан байна.

Энэ тухай дуудлага мэдээлэл тавдугаар сарын 21-ний өдрийн 22:52 цагт ОБГхүлээн авсан бөгөөд тус аймгийн Онцгой байдлын газрын Эрэн хайх, аврах бүлгийн алба хаагчдыг очиход Өмнөговь аймгийн Цогтцэций сумаас Улаанбаатар хотын чиглэлд зорчиж явсан иргэн Б-ын Королла загварын /3 зорчигчтой/ суудлын автомашин, Улаанбаатар хотоос Дундговь аймгийн чиглэлд зорчиж явсан иргэн Э-ийн “Приус 20” загварын /3 зорчигчтой/ суудлын автомашин, иргэн Г “Премио” загварын /2 зорчигчтой/ суудлын автомашинууд автозамын зорчих хэсэгт мөргөлдөж, зорчигч Г /40 настай, эрэгтэй/ хөл хэсгээрээ хавчуулагдсан байсныг Холматро-гийн задаргааны багаж ашиглан 20 минут ажиллан эсэн мэнд гаргаж, Төв аймгийн Нэгдсэн эмнэлгийн Гэмтлийн тасгийн эмчид хүлээлгэн өгсөн байна.